Санарпуҫ шкулӗнче вӗренекенсем тӗрлӗ патриотизм темипе иртекен районти, республика шайӗнчи мероприятисене хутшӑнаҫҫӗ. Космонавтика кунне халалласа тата паттăрăн пуç хунă подводниксене асăнса классем хушшинче паттăрлăх мероприятийĕ иртрĕ. Тĕлпулу Раççей Федерацийĕн тата Чăваш Республикин ялавĕсене торжествăлла йăтса утнинчен пуçланчĕ. Иванов Н.Н.,шкул директорĕ, пурне те вăйăра хастар пулма ăнăçу сунчĕ. Шăплăх минучĕ тăрса паттăрсене асăнтăмăр.
Патриотизм вӑййисене йӗркелесе ирттерме хӑнасем те хутшӑнчӗҫ. Германире салтак тивӗҫне пурнӑҫланӑ Алесандр Иванович Ефимов, «Морское братство» обществӑлла организаци председателӗ Никифоров Ярослав Александрович, «Боевое братство» районти председателӗ Николаев Андрей Иванович, «Офицерсен союзӗ» районти председателӗ Васильев Николай Иванович, Йӗпреҫ тата Вӑрнар районӗсен ҫар ӗҫ комиссариачӗн ĕçченĕ Голубцова Елена Петровна, Совет Союзӗн хӗҫпӑшаллӑ ҫарсен ветеранӗ, Петров Владимир Николаевич хутшӑнчӗҫ.
Вӑйӑ хӗрӳ тупӑшура иртрӗ, ачасем тӗрлӗ конкурссене хутшăнчĕç. Ӑмӑрту «Торжествăлла ялав йăтса утас» конкурсран пуçланчĕ. Стройра тĕрлĕ командăсене пурнăçларĕç, стройпа утса юрă та юрларĕç. Турник çинче туртăнса хăш отряд чи маттуррине те палăртрĕç. Хĕр ачасем те тӗрлӗ хусканусем туса тупăшрĕç. Ҫавăн пекех противогаз тăхăнса ăмăртасси те пулчĕ. Автомат салатса пуçтарасси те çивĕч тупăшура иртрĕ.
В.Ю. Сидюхин ячĕпе хисепленекен
6-мĕш класс вӗренекенӗсем параппан çапса плац-концерт кăтартни те пурне
те хавхалантарчĕ.
Пур отряд та хастар та маттур пулчĕ. В.Г.
Михайлов ячĕпе хисепленекен «Ҫамрăк пограничниксен»7- мĕш класс отрячĕ, В.Я.
Алексеев ячĕпе хисепленекен кадетсен
8-мĕш класĕ тата В.Ю. Сидюхин ячĕллĕ моряксен 5-мĕш класĕ чи
хастаррисем, хăюллисем пулнине палăртас килет. Кашни отрядах тата отрядсенчи
кашни вĕренекенех граммотăсене тивĕçрĕç. Хăнасем спорт инвентарĕсем те : шашкӑсем,
шахмӑтсем, мечĕксем парнелерĕç. Малашне те хастар пулма, тăрăшуллă вĕренме,
спортпа туслашма сĕнчĕç, тĕрлĕ уявсене, мероприятисене хутшăнса пултаруллăха
аталантарма сунчĕç.
